|
|
Compromisos de Delegación de Gobiernu con Iniciativa pol Asturianu
La rotulación de les carreteres estatales cola toponimia asturiana podría ser una realidá
Delegación comprometióse con esti coleutivu n’asuntos de toponimia, educación y presupuestos estatales. Sicasí, dende Iniciativa pol Asturianu vamos facer un siguimientu a tolos asuntos que tratamos pa ver si se cumple lo dicho, yá que, nestos casos, munchos van quedando escaecíos al nun los considerar urxentes. lleer más | entrevista sobre'l conceyu
Disponible audiovisual: "Iniciativa pol Asturianu: un añu de trabayu"
El videu quier amosar a los asturianos el llabor fechu nel primer añu d'actividá de la organización
Nesti audiovisual "Iniciativa pol asturianu: un añu de trabayu (2012-2013) faise un percorríu pela actividá d'Iniciativa pol Asturianu a lo llargo del periodu 2012-2013, primeru de xestión de la Xunta Direutiva. Quier ser un resume del Informe de Xestión presentáu, mesmo que'l propiu videu, na Xunta Xeneral 2013 de la organización, que se celebró'l 23 de febreru nel Auditoriu d'Uviéu. lleer más | ver el videu
|
|
|
El Gobiernu d'Asturies incumple l'usu de la toponimia oficial
La Dirección Xeneral de Carreteres del Gobiernu d'Asturies ta acabante instalar nueves señales viales colos nomes de Lieres, Nava, L'Infiestu y Les Arriondes nel enllaz de l'autovía A-8. Iniciativa pol Asturianu denunció qu'estes señales usen los topónimos yá derogaos "Infiesto" y "Arriondas", en cuenta de los únicos oficiales y d'obligáu usu pola alministración L'Infiestu y Les Arriondes. lleer más
|
Concentración pol asturianu nel sistema educativu
Iniciativa pol Asturianu, al traviés de la so Vocalía d'Enseñu, vuelve a sofitar una convocatoria del colectivu de docentes de llingua asturiana. Nesta ocasión, la organización fiz un llamáu a participar na concentración na plaza La Escandalera d'Uviéu, que se celebró'l xueves 7 de marzu y onde miembros de la organización participaron de la mesma. lleer más
|
Entamó'l Cursu d'Asturianu n'Uviéu
Na tarde del 4 de marzu inaguróse la primer edición del Cursu d'Asturianu n'Uviéu, d'Iniciativa pol Asturianu. El presidentede la organización, Inaciu Galán y el del Conseyu de la Mocedá del Principáu d'Asturies, Marcelino Sánchez, inauguraron xunto a los alumnos y el profesoráu del cursu esta primer edición, que tuvo un importante ésitu de matriculación. lleer más | lleer intervención del presidente |
El décimu programa ta disponible
Nesta entrega nueva d'Iniciativa pol Asturianu nes ondes charramos col célebre ciclista Samuel Sánchez, qu’amosó’l so apoyu a la oficialidá del asturianu. A propósitu de la última polémica sobre l'usu del nuesu idioma nel trabayu alministrativu de los conceyales de Noreña, tarán con nós Inaciu Iglesias, de FAC, y Pablo Pérez Fonseca, de Conceyu Abiertu, qu'ofrecerán la so opinión al rodiu d'esti asuntu tan llaceriosu. lleer más | sentir el programa |
¡Faite sociu yá!
¿Préstate lo que facemos? Dende 20 euros al añu puedes poner un granín d'arena y formar parte d'esta organización. ¿a qué esperes? Descarga la fueya d'inscripción y mándamosla a contautu @iniciativapolasturianu.org |
|
Homenaxe a Pachín de Melás en Xixón
Les organizaciones Iniciativa pol Asturianu y Ástura entamen esti vienres 5 d'abril un actu d'alcordanza a la memoria d'Emilio Robles Muñiz, conocíu pol nomatu de Pachín de Melás, unu de los autores en llingua asturiana más populares del sieglu XX. Esti mes pasáu cumpliéronse 75 años de la so muerte na cárcele d'El Coto en Xixón y dende Iniciativa pol Asturianu vese más necesario que nunca reconocer la so figura "yá que les entidaes públiques nun faen un res pola so memoria nestos díes". La última fía viva de Pachín y otros familiares confirmaron yá la so presencia nel actu. lleer más
|
Samuel Sánchez sofita la oficialidá
Iniciativa pol Asturianunes ondes asoleya una entrevista col ciclista Samuel Sánchez, ciclista ganador d'etapes de La Vuelta y el Tour, y d'una medaya d'oru nes olimpiaes de Pequín. Na entrevista, na que Sánchez s'espresa n'asturianu, espresa la so opinión sobre l'asturianu, recordando que "la llingua asturiana ye dalgo mui de nueso y nun hai que dexar que muerra", amás dexó bien clara la so postura sobre l'estatus que necesita l'idioma d'Asturies "l'asturianu tendría de ser oficial". lleer más | sentir la entrevista
|
Editorial: "Esta nun ye la RTPA que queremos"
Cuando cuasi naide apostaba por una radiotelevisión pública asturiana, el movimientu de reivindicación llingüística yá reclamaba la so esistencia, como importantísima ferramienta de normalización del asturianu. Dempués, aquellos que nun la queríen, sumáronse, y fundóse la Radiotelevisión del Principáu d'Asturies. El restu de la hestoria yá la conocen. Una radio y una televisión na que l'asturianu tien una presencia marxinal, menos d'un 4% nos primeros cuatro años. Esto ye, la televisión asturiana emitió más hores d'autopublicidá que de programación n'asturianu. lleer editorial |
Celebramos el Día de la Poesía
Inciativa pol Asturianu celebró esti 21 de marzu'l Día Internacional de la Poesía, cola publicación nes d'una poesía n'asturianu cada media hora nes redes sociales. La iniciativa buscaba, amás d'afalar la llectura n'asturianu, dar a conocer a la xente a los autores asturianos contemporáneos, que tán produciendo una poesía mui bien valorada polos críticos. lleer poesíes en blogue |
Entrevista a docentes d'asturianu
L’Asamblea de Docentes d’Asturianu aconceyóse cola conseyera d’Educación, Cultura y Deporte, Ana González, y p’aldericar d’esti asuntu, tuvieron n'Iniciativa pol Asturianu nes ondes, Emma Rodríguez García y Faustino Zapico de l’Asamblea de Docentes d’Asturianu. sentir entrevista |
|
|
|
|
|
|
|
